ورشتك مشغولة…
بس وين تروح الفلوس؟
وكالة يدير ورشتك من دخول السيارة لين أرقام آخر الشهر، ويوريك كل يوم: وش انقبض، ومين باقي عليه، ووين وقف الشغل، وكم فرق الصندوق. لكل فرع، ومن جوالك.
إذا ضغطت وما انفتح واتساب، أنت داخل متصفح التطبيق.
الفلوس اللي تضيع في الورشة لها أماكن معروفة. وكالة يوريك إياها كل يوم.
مو تقديرات ولا انطباعات: أرقام من شغل ورشتك نفسه، لكل فرع.
مين باقي عليه
المتبقي على العملاء والشركات بالريال، وأعمار الديون: 30 و60 و90 يوم.
فرق الصندوق
كل فرع يقفّل يومه بعدّ النقد ومطابقة الشبكة، وأي فرق يوصلك باسم اللي قفّل.
الشغل الواقف
كل سيارة واقفة بسببها ومدتها: بانتظار قطعة، أو بانتظار موافقة العميل.
العرض اللي ما انعمد
كم عرض سعر طلع، وكم اعتمده العميل، ووش انرفض.
الرجيع
السيارة اللي ترجع بنفس العطل خلال الضمان تنسجل، وتشوف نسبتها.
وآخر الشهر: صافي ربحك من قائمة الدخل، بدون ما أحد يعيد إدخال شي.
نمشي مع سيارة وحدة، من الباب لين أرقام آخر الشهر
كل الشاشات تحت من النظام نفسه. ولكل خطوة فيديو قصير يوريك كيف تنسوي.
العرض يوصل العميل بالواتساب، ويوافق من جواله
موظف الاستقبال يكتب الجوال وتطلع بيانات العميل وسياراته. يسجّل العدّاد ويصوّر السيارة، والفحص بند بند يطلع منه عرض السعر بأسعار ورشتك. والعميل يوافق من جواله، وموافقته تنحفظ في الطلب.
شوف الفيديو · 2:40
المشرف يوزّع، والفنيين بدون حسابات
المشرف يوزّع السيارات على الفنيين والرافعات من شاشة وحدة، ويشوف كل سيارة وين وصلت. القطع لها لوحتها: مطلوبة، طالع يشتريها، وصلت. وقبل التسليم تمر السيارة على فحص الجودة. وعندك تلفزيون؟ اعرض عليه حال كل السيارات.
شوف الفيديو · 2:30
كل ريال انقبض: بأي طريقة، وفي أي فرع، ومين استلمه
نقد وشبكة وتابي وتمارا وتحويل، بطرق دفع وحساب بنكي لكل فرع. الفاتورة مربوطة بالفوترة الإلكترونية، والعميل يستلم بأمر تسليم مرقّم، ومن رابطه يشوف فاتورته ويقيّم. والشركات على الحساب: كشف برابط، ودفعة وحدة تسدد كذا فاتورة.
شوف الفيديو · 3:04
آخر الدوام: عدّ، طابق، قفّل
كل ريال دخل أو طلع يمر على الصندوق: المصروفات بصورة فاتورتها، ودفعات المناديب، وحركة اليوم كاملة. وآخر الدوام الموظف يعدّ النقد، ويطابق الشبكة مع تقرير الجهاز، ويقفّل اليوم. وأي فرق يوصلك باسم اللي قفّل.
شوف الفيديو · 2:38
كل الفروع في جوالك، بدون ما تتصل على أحد
«لوحة اليوم» فيها أرقام كل الفروع والمقارنة بينها. والتقارير: المحصّل، ومين باقي عليه، والرجيع، وإنتاج كل فني وعمولته. وكل موظف يدخل برمزه، ويشوف فروعه بس، وكل حركة مسجلة باسمه.
شوف الفيديو · 2:57
صافي ربحك، من شغل الورشة نفسه
كل فاتورة ومصروف ودفعة تنكتب قيودها لحالها. قائمة الدخل والمركز المالي والميزان، والموردين، وإقرار ضريبة القيمة المضافة بند بند. وعندك محاسب خارجي؟ له رابط ينزّل منه ملفاته.
شوف الفيديو · 2:58
من ورشة بفرع واحد لين مركز بأربعة فروع
كود واحد لكل الورش، وكل ورشة تشغّل الأقسام اللي تحتاجها.
ورشة بفرع واحد
كل شغلك في شاشة وحدة، وتشغّل الأقسام اللي تحتاجها بس.
مراكز بأكثر من فرع
كل الفروع في لوحة وحدة ومقارنة بينها، وكل موظف على فرعه، وحساب بنكي لكل فرع.
ورش الأساطيل والشركات
حساب لكل شركة، واسم المعمِّد وتوقيعه، وكشف حساب يوصلها برابط، وأعمار ديونها.
ورشة غير مسجّلة في الضريبة
وضع خاص لها: المستندات تطلع بدون ضريبة.
الفوترة الإلكترونية؟ جاهزة.
وكالة مربوط مع زاتكا (المرحلة الثانية)، وكل فرع يتربط برمز من بوابة «فاتورة». وبعدها الفاتورة تطلع وتنرسل لحالها وقت التسليم.
نجهّزها لك في يوم
ما تحتاج تركيب ولا سيرفر ولا تدخّل شي من الصفر.
كلّمنا على واتساب
نفهم ورشتك ونوريك النظام على شاشتك.
نجهّز نسختك في يوم
نسخة مستقلة لورشتك فيها فروعك وموظفينك ورموزهم، وكتالوج خدماتك أو الجاهز عندنا، وشعارك وترويستك وشروطك، والفوترة الإلكترونية.
من وصول بياناتكفريقك يبدأ
72 فيديو قصير بالعربي لكل خطوة، والدعم الفني معك من أول يوم.
3:27
شوف النظام كامل في 3 دقايق
سيارة وحدة من الاستقبال لين المحاسبة، على شاشات النظام نفسه. وبعدها 72 فيديو قصير في الدليل، لكل خطوة فيديو.
اشتراك سنوي واحد
بلا رسوم تأسيس، وبلا مفاجآت خلال السنة.
- كل الأقسام: الطلبات والورشة والصندوق والمحاسبة
- الفوترة الإلكترونية مع زاتكا
- الفنيين بدون حد
- التجهيز في يوم والتدريب
- الدعم الفني والتحديثات
- كل الفروع في لوحة وحدة
- صلاحيات كل موظف على فرعه
- طرق دفع وحساب بنكي لكل فرع
- كل اللي في باقة الفرع الواحد
عملاؤك يحجزون ويدفعون ويتابعون سيارتهم من تطبيق باسمك على App Store و Google Play. إضافة اختيارية.
الأسعار شاملة ضريبة القيمة المضافة.
أسئلة تتكرر
كم ياخذ التجهيز؟
يوم واحد من وصول بياناتك: الفروع والموظفين والكتالوج والشعار. وبعدها تستقبل أول سيارة.
فريقي ما يعرف الأنظمة…
النظام عربي وبسيط، ولكل خطوة فيديو قصير يشرحها، والدعم الفني معكم.
الفنيين يحتاجون جوالات أو حسابات؟
لا. المشرف يوزّع عليهم من شاشته، وهم يشتغلون.
يشتغل من الجوال؟
نعم، من المتصفح على الجوال أو الكمبيوتر، وتقدر تثبّته على الجوال أو جهاز الفرع مثل التطبيق.
مربوط بالفوترة الإلكترونية؟
نعم، المرحلة الثانية مع زاتكا، لكل فرع.
ورشتي مو مسجّلة في الضريبة؟
فيه وضع خاص لها، والمستندات تطلع بدون ضريبة.
عندي محاسب خارجي؟
له رابط خاص ينزّل منه ملفاته بأرقام حساباته.
عندي بيانات في نظام ثاني؟
الكتالوج ينتقل من ملف Excel، والأرصدة الافتتاحية من ميزان محاسبك.
بياناتي آمنة؟
لكل ورشة قاعدة بيانات مستقلة. بياناتك ملكك، ونعطيك نسخة منها متى ما طلبت.
لا تاخذها من كلامنا… شوفها على ورشتك
كلّمنا على واتساب، ونوريك وكالة على شاشتك.
وكالة · يفهم ورشتك